🌎𝙒𝙤𝙧𝙡𝙙 𝙒𝙞𝙙𝙚 𝙎𝙝𝙤𝙧𝙩 𝙎𝙩𝙤𝙧𝙮 𝘾𝙤𝙢𝙥𝙚𝙩𝙞𝙩𝙞𝙤𝙣📝 -----------------------------------
🔹𝗡𝗼: 02
🔹𝐂𝐨𝐦𝐩𝐞𝐭𝐢𝐭𝐨𝐫 𝐍𝐚𝐦𝐞: M.H.F.Hasna
🔹𝐕𝐢𝐥𝐥𝐚𝐠𝐞/𝐓𝐨𝐰𝐧: Panadura
#Edukinniya #StoryCompetition
➖➖➖➖➖➖➖
வியாழக்கிழமையன்று அதிகாலை 4:30 மணியளவில் கணேஷன் ஒரு கண்ணில் பிள்ளைகளின் கல்வியையும் மறு கண்ணில் அவர்களின் எதிர்காலத்தையும் சுமந்தவாராக அரை தூக்கத்தில் வீட்டிலிருந்து அவசரமாக கொழும்பு மாநகர சபையில் கையொப்பத்தையிட்டு துப்பரவு பணிகளை ஆரம்பிக்க வீதியை நோக்கி சென்றார். அப்போது அவர் வீதியோர குப்பையில் கிடந்த அந்தப் பொதியை கண்டு
அதனருகில் சென்று பார்த்தார். அது ஒரு பெண் குழந்தை. வீதியோர குப்பையில் ஒரு குழந்தையை கண்டதும் அதிர்ச்சியில் உறைந்து போனார் கணேஷன்.இந்த அதிகாலையில் அப்பாவும் அம்மாவும் இல்லாமல் ஒரு குழந்தை அங்கே இருப்பது கணேஷனின் மனதை வேதனையில் மூழ்கச் செய்தது.இவளும் என் பிள்ளைகளை போலத்தான் இவளுக்கும் ஒரு எதிர்காலம் இருக்க வேண்டாமா? என்று சிந்தித்தார்.உடனே அவர் அந்த குழந்தையை அருகிலுள்ள காவல் நிலையத்தில் கொண்டு போய்,பொலீஸாருக்கு நடந்தவற்றை சொன்னார். அந்த குழந்தையை பொலீஸாரிடம் ஒப்படைத்து விட்டு மீண்டும் அவர் தனது வேலையை பார்க்கச் சென்றார்.இருப்பினும் அவரது எண்ணம் முழுவதும் அந்த குழந்தையை பற்றித்தான் இருந்தது.அடுத்த நாளே அவர் காவல் நிலையத்திற்குச் சென்று விசாரித்த போது அந்த குழந்தையை பாதுகாப்பான ஒரு சிறுவர்கள் இல்லத்தில் சேர்த்து விட்டதாக தெரியவந்தது.அந்த நாள் முதல் கணேஷன் வாரத்திற்கு ஒருமுறை அந்த சிறுமியை பார்ப்பதற்கும் தேவையானவற்றை கொண்டு சென்று கொடுப்பதற்கும் அவர் மறக்கவில்லை.கணேஷன் தனது வேலை கடினமானதாகவும் சம்பளம் குறைவானதாக இருந்தாலும் பிள்ளைகளின் கல்வியிலும் எதிர்காலத்திலும் அதிக அக்கறை காட்டினார். அவரின் வாழ்க்கையில் இந்த சம்பவம் ஒரு திருப்பமாக மாறியது.அவரின் பொறுப்புணர்வும்,இரக்கமும் தான் அந்த குழந்தைக்கு புதிய வாழ்க்கையை வழங்கியது.
