🌎𝙒𝙤𝙧𝙡𝙙 𝙒𝙞𝙙𝙚 𝙎𝙝𝙤𝙧𝙩 𝙎𝙩𝙤𝙧𝙮 𝘾𝙤𝙢𝙥𝙚𝙩𝙞𝙩𝙞𝙤𝙣📝
-----------------------------------
🔹𝗡𝗼: 21
🔹𝐂𝐨𝐦𝐩𝐞𝐭𝐢𝐭𝐨𝐫 𝐍𝐚𝐦𝐞: M.A.F.Shazra
🔹𝐕𝐢𝐥𝐥𝐚𝐠𝐞/𝐓𝐨𝐰𝐧: Maligawatte
#Edukinniya #StoryCompetition
➖➖➖➖➖➖➖
வியாழக்கிழமையன்று அதிகாலை 4:30 மணியளவில் கணேஷன் ஒரு கண்ணில் பிள்ளைகளின் கல்வியையும் மறு கண்ணில் அவர்களின் எதிர்காலத்தையும் சுமந்தவாராக அரை தூக்கத்தில் வீட்டிலிருந்து அவசரமாக கொழும்பு மாநகர சபையில் கையொப்பத்தையிட்டு துப்பரவு பணிகளை ஆரம்பிக்க வீதியை நோக்கி சென்றார். அப்போது அவர் வீதியோர குப்பையில் கிடந்த அந்தப் பொதியை கண்டு
அதை கையில் எடுத்துக்கொண்டு வீட்டிற்குச்சென்று தன் மனைவியிடம் அந்தப் பொதியை வழங்கி, அது எவ்வாறு கிடைத்தது என்பதையும் கூறினார். இருவரும் ஆவலோடும் ஒரு வகையான பயத்துடனும் பொதியை திறந்தார்கள். அதில் நிறைய பணம் இருந்து. இதைக் கண்ட இருவரும் செய்வதறியாது திகைத்து நின்றனர். பின்னர் கணேஷனிடம் மனைவி "என்னங்க நம்ம கஷ்டம் எல்லாம் தீர்ந்துவிட்டது கடவுள் எமக்கு அருள் புரிந்து விட்டார். நாம் இந்த பணத்தை வைத்து ஒரு தொழில் ஆரம்பிக்கலாம் என்று சந்தோஷமாக கூறினாள். அதற்கு கணேஷன் "இல்லை தேவி, இது நமக்குரியதல்ல. அடுத்தவர் பொருளுக்கும் பணத்துக்கும் நாம் என்றும் ஆசை படக்கூடாது. அதுவும் திருட்டு போலத்தான் என்று கூறி அதை பொலிஸ் நிலையத்திற்கு ஒப்படைக்க எடுத்துச் சென்றார். அங்கு அப்போது பணத்தை தொலைத்த நபரும் புகார் செய்திருக்கிறார் என்று தெரிய வந்தது. பின்னர் பொலிஸார் விசாரணைகளை நடத்தி விட்டு பணத்தை அவரிடம் வழங்கினார்கள். ஒரு பொருளை அதற்குரியவரிடம் கொண்டுசேர்த்த நிம்மதி மற்றும் மகிழ்ச்சியுடன் கணேஷன் வீட்டுக்கு சென்றார். அடுத்த நாள் காலையில், அம் மனிதர் கணேசனின் வீட்டிற்கு வந்து, நீங்கள் எனக்கு செய்தது சாதாரண உதவியல்ல. என் தாய் இன்று உயிரோடு இருக்க காரணம் நீங்கள் தான். ஆம் நேற்று எனது தாயின் இருதய அறுவை சிகிச்சைக்கு கட்டுவதற்காக வைத்தியசாலைக்கு பணத்தை கொண்டுபோகும் போது வழியில் பணத்தை தொலைத்து விட்டேன். நீங்கள் நினைத்திருந்தால் அப்பணத்தை செலவு செய்திருக்கலாம் ஆனால் இவ்வளவு கஷ்டங்களுக்கு மத்தியிலும் நேர்மையாக நடந்து கொண்டீர்கள் உங்கள் நேர்மைக்கு பரிசாகவும் உதவிக்கு கைம்மாறாகவும் என்னால் முடிந்த ஒரு சன்மானம் என்று கூறி கையில் ஒரு தொகை பணத்தை வழங்கினார். கணேஷனின் நேர்மையால் அவருடைய தேவைகள் எதிர்பாராத வகையில் நிறைவேற்றப்பட்டது.